Isang bukas na liham para sa kinauukulan: Ibalik sa SSL ang mga Empleyado ng SBMA

ISANG BUKAS NA LIHAM PARA SA MGA KINAUUKULAN

PARA SA ATING PANGULO AT MGA BOSS SA SBMA,

“WALANG MAIIWAN” iyan po ang tag-line ng ating Pangulo ng Pilipinas patungkol sa 2015 Salary Standardization Law pero sa pakiwari ng mga empleyado ng SBMA…… HINDI NA NAMAN KAMI KASAMA DITO…kasi exempted ang SBMA sa Salary Standardization Law (SSL). Pambihira !!! empleyado din po kami ng gobyerno at taos-pusong naglilingkod sa Inang BAYAN. Nararapat namang di maiwanan ang SBMA sa pagtaas ng sweldo ng mga kapwa kawani ng GOBYERNO. Hindi po ibang planeta ang Subic Bay Freeport, parte pa rin ito ng Pilipinas kaya dapat kasama kami sa benepisyo ng SSL4. Kung ang Association of Concerned Teachers (ACT) ang isinisigaw ay kulang pa ang taas sweldo na nakasaad sa SSL4 para sa mga GURO, kaming mga empleyado ng SBMA hinihiling lamang na makapantay man lamang sa pasahod ng ibang ahensya ng GOBYERNO.  Sa Olongapo nga SSL3-tranche 4 na sila kami sa SBMA nanatiling NGANGA!!!! Asaan ang HUSTISYA???

Hindi po maintindihan ng mga kumakalam naming sikmura ang mga ibinibigay na dahilan ng aming mga lider sa SBMA lalo pa nga’t milyon milyon ang kinikita ng aming ahensya na ibinibigay lamang sa National Government bilang dibidendo. Milyon milyon ang inilalaan para sa LGU’s at National Treasury pero sa mga abang empleyado barya barya na nga lang ipinagkakait pa. Hinihingi po namin ang tulong ng Pangulo at ng pamunuan ng DBM at SBMA upang makamit ng mga empleyado ng SBMA ang tamang pasahod ayon sa Salary Standardization Law (SSL).

Hindi po namin intensyong lumikha ng GULO o kalituhan sa hanay ng mga manggagawa, pero itinutulak po kami ng aming hinanakit at nag-pupuyos na galit sa paikot-ikot na proseso, turuan at mababang pagtingin sa mga hinaing ng mga kawani ng SBMA na nagdidiin sa amin sa pader ng alanganin. Kailangan pa bang manikluhod at magmakaawa na parang PULUBI ang mga empleyado ng SBMA para maibigay sa kanila ang tamang pasahod at sapat na benepisyo tulad ng ibang kawani ng GOBYERNO?

Ang mga empleyado po ng SBMA ay binubuo ng mga propesyunal at mga lehitimong manggawa SA GOBYERNO huwag naman po sana kaming ipagsawalang bahala lamang at itratong mga “ABANG DUKHA ‘. Ang nais po namin ay pagtaas ng sweldo at hindi matanggalan ng trabaho, kami po ay may lehitimong HINAING na sana’y dinggin ng PANGULO at ng mga lider ng SBMA. 

Simple lamang po ang aming GUSTO at hindi naman kumplikado… “ Alisin ang SSL exemption ng SBMA na humahatak sa aming sweldong pababa“

“ Ibalik sa SSL ang mga empleyado ng SBMA! “

Gumagalang,

SBMA EMPLOYEES

 

(Ang mga susunod na pahina ay ilalagay lamang sa website na ito kapag natapos nang umikot sa ibat-ibang departamento ng SBMA)
Salary Standardization Law  para sa mga empleyado ng SBMA!!!
Salary Standardization Law  para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!
Salary Standardization Law   para sa mga empleyado ng SBMA!!!

Ibalik sa SSL ang mga  Empleyado ng SBMA

Ano man pong paraan….anuman pong aksyon na makatutulong para sa EMPLEYADO NG SBMA upang makamit ang SSL ito po ay lubos naming ipapagpasalamat. Hindi po sobra sobra ang hinihingi ng mga manggagawa… karampatang sahod lamang po ang aming hinihingi.

Sa mga kawani ng SBMA, may mga kamag-anak at kaibigan sa SBMA paki like and share lang po sa inyong facebook, malaking tulong po kung pa uunlakan ninyo ang kaunting kahilingan namin sa inyo,